Buod[]
Si Randy ay hindi kayang mabuhay ng walang karelasyon kayat lagi itong naghahanap ng makakasama. Hindi gaya ng matalik nitong kaibigan na si Paula na hindi ganoon ka-interesado sa pagkakaroon ng karelasyon. Ang kaibigan naman nilang si Simon ay nagpapahiwatig ng pagtingin kay Paula bagamat masaya na si Paula sa kanyang buhay. Hindi malaman kung mayroon ngang patutunguhan ang relasyon ni Simon at Paula na tila isang sayaw. At si Randy, sawa na sa paghahanap na walang pinatutunguhan ay natutong maging masaya sa kung ano man ang mayroon sa kanya.
Tauhan[]
Paula[]
- Itinuturing na kapatid ni Randy nang dahil sa sobrang pagiging malapit at pagkakapareho nito sa kanya.
Randy[]
- Tagapagsalaysay ng kuwento. Matalik na kaibigan ni Paula.
Simon[]
- Isang katrabaho na may espesyal na pagtingin kay Paula.
Isyu[]
Nabanggit sa kuwento ang mga salitang "Marami ang namamatay sa tsunami" at ang "I complete me". Ang una ay nagpapahayag ng pagiging kuntento sa kung ano mang kalagayan ng buhay mayroon ang isang tao. Maiksi ang buhay ng tao, ika nga, kaya hindi magandang ubusin ang oras sa pagrereklamo. Ang pangalawa naman ay nangangahulugan ng pagtayo sa sariling dalawang paa. Sa huli, ang iyong sarili pa rin ang makakapagpasya at makakapagsabi kung masaya o hinde ang iyong buhay at paraan ng pamumuhay at hindi ito nakasalalay sa ibang tao kundi ang sarili mo.